「親子活動 - NATMAMA 篇」- 獅子會自然教育中心 x 兒童攀樹飛索

最近跟 論盡寶寶 - Babygaga.io 出去玩，玩咗一日非常盡興！

活動分為兩部份，朝早先去獅子會自然教育中心，下午就去烏溪沙青年新村玩歷奇活動，有得爬樹、玩飛索同埋繩索挑戰，非常放電。

獅子會自然教育中心環境好好，地方好大，導遊精選咗幾個地方帶我哋參觀，小朋友喺參觀當中學到好多知識，用眼睇、用手摸，將學習延伸到書本以外。

行完之後，我哋就搭車去烏溪沙食午餐，途中小朋友休息吓叉電，輕輕鬆鬆。

烏溪沙青年新村嘅歷奇活動好好玩，Natalie最鍾意爬樹，導師教咗佢爬樹嘅方法之後，佢就自己爬上爬落，玩到不亦樂乎。爬到一半，吊喺半空，仲可以盪千秋，好好玩

場地安排得好好，好多個攀爬嘅地方，小朋友近乎唔使排隊就有得玩

細佬最鍾意玩飛索，先爬長梯上樹跟住飛落黎，好刺激 !

作為家長，我哋都擔心安全問題；不過場地安排得好好，當日大約10個小朋友，場地就有四個導師睇住，每次小朋友開始玩都會檢查佢哋嘅安全裝置，真係可以好放心！

嚟緊 論盡寶寶 又有呢個活動喇，名額有限，有興趣就快啲報名參加啦!

=================================

Follow: 

IG: https://www.instagram.com/nat.ma.ma/
FB: https://www.facebook.com/natalie.nathan.mum